"Kasi--"
                              
            "Si Violet na lang 'yung may balita ako eh. Ikakasal na ba talaga siya? Ang bilis ng panahon..."
                              
            "Excuse us for a while," singit ko. Nagtatakang napatingin naman siya sa 'kin.
                              
            "Oh, no! Did I say something offensive?"
                              
            "No, I just need to talk to Gabe. For a second," sagot ko. Hinawakan ko si Gabe na parang naguguluhan na rin sa mga nangyayari, saka ko siya kinaladkad papunta sa men's room.
                              
            "Ano 'yun?" tanong ko sa kanya nang makarating kami doon. Mabuti na lang at walang tao.
                              
            "'Di ba sabi ko may ipapakilaka ako sa'yo?"
                              
            "Oo nga. Pero sino 'yung madaldal na 'yun?"
                              
            "Reese Avaceda--"
                              
            "Oo nga. Tagapagmana ng See Side. Pero ano 'yun? Is she there to slap hard to my face that I was the reason why Kyela Marjorene disappeared? Writer ba 'yun? Magsusulat siya tungkol sa 'kin? Then tell the world how I, a once popular musician, am now desperate to have his fail compositions published?"
                              
            "'Tol, kalma lang!" mahinahong sabi niya. "Fan niyo lang talaga 'yung tao. Saka hindi naman ikaw ang dahilan ng biglaang paghihiwa-hiwalay niyo. Heart had to fix something, Terrence too. Si Violet lang naman ang naiwang binding force niyo noon. And admit it, siya na rin ang ang nagdesisyong ma-disband na lang kayo dahil wala na rin namang nangyayari. It's not entirely your fault. You don't have to act like that."
                              
            "Okay, okay," sabi kong sinubukang kalmahin ang sarili ko."But who is she? Anong kinalaman niya sa kanta ko?"
                              
            "Anong 'anong kinalaman' sa kanta mo?" Saglit niya akong tinitigan bago magsalita ulit. "Wait-- Don't tell me iniisip mong i-re-record niya ang kanta mo?"
                              
            "Bakit? Hindi ba?"
                              
            Biglang tumawa si Gabe. Mahinang sinuntok ko naman siya sa braso saka medyo nahihiyang nagsalita.
                              
            "'Wag mo nga akong pagtawanan..."
                              
            Tawa lang siya nang tawa at nang medyo nakaka-recover na siya ay tinapik niya ang balikat ko. "Pare, ayan ka na naman ng pag-i-ilusyon mo, eh. Chicks si Reese. Ipapa-date ko sa'yo."
                              
            Nanlaki ang mga mata ko sa narinig ko. Bigla  kong naitulak si Gabe palayo sa 'kin. "Tigilan mo nga ako! Anong date?"
                              
            "Nabanggit kasi sa 'kin ni Reese na fan siya ng Kyela Marjorene. 'Tapos ikaw daw 'yung pinakagusto niya. So naisip kong ipa-date siya sa'yo--"
                              
            "Ano ba naman 'yan, Gabe!"
                              
            "'Tol, ano ka ba? Parang hindi ka ganito dati. 'Di ba, ikaw nga ang may pinakamaraming babae sa 'tin nu'ng college? It's now time to be back to the old you! Malay mo, si Reese na pala ang totoong para sa'yo."
                              
            "No one's ever right for me but Midori," umiiling na sabi ko. Palabas na sana ako ng pinto nang pigilan niya ako.
                              
            "'Yan na naman tayo sa debate natin, eh. Anong palagay mo kay Midori? Paso? Nanggaling sa gabok tapos ma-mo-mold ulit na tao? Tigilan mo na nga 'yang pagiging idealist mo. Hindi ka si Don Quixote de La Mancha."
                              
            Saglit ko siyang tinitigan, saka ako umiling. "Ayoko." Tinalikuran ko na ulit siya at binuksan na ang pinto pero hinila na naman niya ako pabalik. "Gabe naman eh! Akala mo ba ganun-ganun lang 'yun? Akala mo ba ganun lang kadaling makipag-date? 'Yung tumingin nga sa ibang babae, ang hirap. Ang tingin ko sa lahat ng babae pare-pareho lang. Na kahit anong gawin ko wala akong maramdaman."