The 100th Guy Who Passed by H...

Chapter Four

--Because it's the beginning, it's good.--

"100."

          Dahan-dahan akong tumayo at lumapit doon sa pang-isandaang lalaking dumaan. Tumigil pa ako saglit. Tama bang lumapit ako? Tama bang ituloy ko pa 'to?

          "Ano ka ba Midori," bulong ko sa sarili ko. "Nandyan na eh."

          Oo nga. Sinimulan ko 'to. Tatapusin ko. Bahala na si Batman. Bahala na siya talaga.

          "GOTCHA!" pinigilan ko siya sa braso.

          Tumingin siya sa 'kin na parang sinusuring mabuti kung sino ako.

          "Hi! Wala man lang bang 'hello'?"

          Tumingin-tingin muna siya sa paligid niya at saka ulit tumingin sa akin. Pero hindi siya nagsalita. Ano ba naman itong napili ko. Absent yata nung tinuruang magsalita ng teacher nila.

          "Wala ka nang magagawa. Wala ka nang takas. Sa ayaw at sa gusto mo, mag-de-date tayo." Kinindatan ko pa siya at nginitian para man lang baguhin ang atmopshere sa pagitan namin. Pero kumunot lang yung noo niya. Iiwan ko na sana siya dahil hindi naman siya nagsasalita o kumikibo man lang. Nang biglang...

          "Sure. Where's the place?" hinila niya ako palapit sa kanya at inakbayan. Nagulat pa ko lalo nang igiya niya ko sa kung saan. Kung kanina ako ang nagyaya, ngayon naman, nabaligtad ang sitwasyon.

          "A-ahhh... Teka... Dahan-dahan naman." Tumigil ako sa paglalakad at inalis ang pagkakaakbay niya sa 'kin. Wala naman akong alam sa mga ganito pero parang ang bilis naman kasi. Ngayon lang naman kami nagkakilala tapos akbay kaagad?

          "Why? You said you want a date with me, right? Don't worry, I don't bite. I never had sex even with my exes so you don't have to worry. I'm also not a member of a syndicate group. Hindi ko kukunin ang internal organs mo. At lalong hindi ako pimp. Do I look like one?"

          Naningkit ang mga mata ko. Di bale na. Kahit ano pa man itong lalaking ito. Mukha namang magiging masaya ang date namin. At isa pa gwapo naman siya. Makinis ang mukha. Parang mayama. Hindi naman siguro siya gagawa ng masama. At subukan lang niya nang matikman niya ang flying kick ko!

          "Let's go then."

*

          "Wow! Ang galing! Ako naman!"

          Inagaw ko yung gitara sa kanya. Nagpunta kasi kami sa isang amusement park na malapit lang sa Enigma. Nahihiya pa nga ako kanina nung pumasok kami. Tingin kasi nang tingin yung mga tao sa amin. Sabi a lang niya 'wag ko na lang daw pansinin yung mga yun. Siguro daw naiinggit lang sila.

         Nagsimula na kong mag-pluck nung mga strings nung gitara depende sa kung anong lalabas sa screen. Ang daya-daya talaga niya. Perfect yung score niya eh. Siguro saulo na niya yung dapat i-pluck. Samanatalang ako, ang easy na nga lang ang level of difficulty hindi ko man lang ma-perfect.

         "Ang daya!" Hindi ko natapos yung laro dahil nag-game over na dahil ang dami kong maling pluck.

         Tumawa siya nang mahina. "Tara na! Pabayaan mo na 'yan. Maganda ka pa rin naman kahit talo kita."

         "'Wag mo nga kong bolahin."

         "Bola? Bakit? Ano bang sinabi ko?"

         "Sabi mo kasi maganda ako."

         "Ha? May sinabi ba kong ganun?"

         "Oo kaya! Sabi mo maganda ako! Bolero!"

         "Ha? Wala akong sinabing maganda ka. Sabi ko, tara na. Ikaw talaga, nag-i-ilusyon. Crush mo ko 'no?"

         Napaubo ako bigla sa samid dahil sa sinabi niya. "Ano? Di ah. Grabe ka ha."

         "Sus. Tara na nga... ganda." Tumalikod na siya sa 'kin at naglakad palayo. Hindi ko tuloy maintindihan ang gagawin ko. Sinabi naman kasi talaga niyang maganda ako. Tapos ngayon sasabihin niyang ilusyunada ako at may gusto sa kanya?

         Ang sunod naman naming pinuntahan ay yung horror house.

         "O, takot ka ba?" Nagulat ako nang bigla siyang kumapit sa braso ko nang mahigpit kahit wala pa kami sa loob ng horror house.

         "H-Hindi ah!"

         "Tatanggi ka pa eh halata namang takot ka eh!"

         "Hindi nga sabi!"

         "Talaga?"

         "Oo!"

         "Bubuhayin ko 'yang patay na kuko mo 'pag hindi ka nagsabi ng totoo."

         "Buhayin mo na lang ang puso kong matagal nang patay na patay sa'yo."

         Tinampal ko yung noo niya. Sa lahat naman ng lalaking pwede kong maka-date, ito pang corny na duwag na hindi nagtatanggal ng shades kahit gabi na at jacket kahit ang init-init. Ang laki siguro ng problema nitong lalaking 'to.

         Nag-enjoy naman kami sa mga pinuntahan namin. Worth it naman ang gabing ito. Hanggang sa nakaramdam na ako ng pagod. Nag-aalala ako kasi baka mamaya mahilo na naman ako at mahimatay. HIndi ko naman lubusang kilala ang lalaking ito kaya hindi pa sapat ang maghapong kasama ko siya para pagkatiwalaan ko kaagad siya ng sarili ko.

         "Tara, pahinga naman tayo? Upo tayo dun oh," itinuro ko yung mga benches na nasa gitnang park.

         Kinuha niya bigla yung nakaturo kong kamay. "'Wag na diyan. Enjoy muna tayo, last na. Please?"

         Tiningnan ko yung kamay niyang nakahawak sa kamay ko.

         "Please?"

         Nabigla na lang ako nang halikan niya ang kamay ko. Babawiin ko sana iyon. Pero sabi nga ng teacher namin noong high school, ang paghalik daw ng lalaki sa kamay ng babae ay isang uri pa rin ng paggalang. Kaya maaaring paggalang nga ang kahulugan noon. Kaya naman pumayag na rin ako...

         Dinala niya ako sa ferris wheel ng amusement park. Kinausap niya pa yung nagpapaandar ng Ferris Wheel at may inaabot doon. Nagulat na lang ako nang pababain nito yung mga taong nakasakay na doon at naghihintay na mapuno ang ferris wheel. Pagkatapos noon ay hinila na niya ko papasok sa  isang car sa ferris wheel at pinaandar na yun. Sa totoo lang, na-touch ako sa ginawa niya. Sa dami ng nakapaikot na cars sa ferris wheel, kami lang dalawa yung tao dito. Nagulat pa ko nang pagdating sa tuktok ay biglang tumigil yung wheel.

         "Don't be afraid. Talagang titigil yan at one hundred eighty degrees," nginitian niya ko.

         "Ba-bakit pinababa pa yung ibang tao? Bakit tayo lang ang nandito? Kawawa naman sila."

         "May gusto lang akong sabihin sa'yo."

         Biglang may kumabog sa dibdib ko. HIndi ko alam kung ano iyon. Parang bigla akong kinabahan.

         "I had many girlfriends already."

         "Ah... Eh... Oh?" Palihim kong kinurot yung sarili ko. Hindi ko kasi alam kung bakit ako nagkakaganito. Hndi ako makasagot dahil sa  kaba sa dibdib ko.

         "Kanina, nung una mo kong nakita, hinahabol ako ng mga girlfriends ko noon. Girl friends. Yeah. Hindi lang ako two-timer. Maraming babae ang kaya kong pagsabayin at one time. Dahil hindi pa ko nagseseryoso sa relationships kahit kelan. Meron sa Japan, California, Brazil, Australia, Korea, China, SIngapore, France... marami pa sila."

         Nanatili lang akong nakatingin sa kanya dahil wala naman akong masabi. Hindi ko nga alam kung bakit siya nag-sheshare ng ganitong bagay sa 'kin.

         "Hindi pa ko nagseryoso sa babae sa tanang buhay ko pero... Sa tingin ko..."

         "Sa tingin mo?"

         "I think... I think...

         I LIKE YOU."