“Ewan ko! Itanong mo sa pumanaw na prof! Pero blockmates, alam niyo ba… Kahit bagsak ang grade ng kantang ‘yan, i-pinursue pa rin daw ni Guy A na ma-i-record at see naman! Isang international artist pa ang kumanta! Mahal na mahal siguro ni Guy A si Girl A.”
                              

                              
           “Do your seatwork now…”
                              

                              
           “Sir,” pagbaling sa kanya ng nagkukwento na parang binalewala lang ang sinabi niya. “Kilala niyo po ba yun? ‘Di ba nag-aral po kayo ng Music dito sa NEU? Baka naman may ma-i-she-share kayo dyan, Sir!”
                              

                              
           “Hay, Miss Bernardo. Paano mo naman nalaman ‘yan? Dapat hindi ka nag-BS Bio. Dapat nag-BA Broadcast Communication ka. Parang mas okay ka dun,” aniyang itinaas ang record ng grades ng klase.
                              

                              
           “Naku Sir! Inaasar niyo lang ako dahil bagsak ang mga quiz ko! Babawi po ako ‘no! Pasalamat ka Sir gwapo ka. May girlfriend ka na ba Sir?”
                              

                              
           Iiling-iling na lang siya sa mga estudyante niya. Nang balingan niya ang klase ay lahat ng mga ito ay tahimik na naghihintay ng sagot niya.
                              

                              
           “I’m 28. I can manage.”
                              

                              
           Nang matapos ang klase niya sa section na iyon ay agad siyang nagpunta sa Hungry Corner kung saan matatagpuan ang mahigit limampung foodchains sa campus. Kanina pa niya tinitiis ang gutom. Panahon naman siguro para magtakaw siya.
                              

                              
           Hindi pa man siya nakakarating ay napangiti siya sa natanaw niya sa di-kalayuan.
                              

                              
           She’s waiting for her again.
                              
 
                              
           Nilapitan niya ito. Agad naman itong tumayo nang makita siya.
                              

                              
           “Kanina ka pa ba diyan?”
                              

                              
           Umiling ito.
                              

                              
           “Midori, you always wait for me here.” Umupo siya para mapantayan ang lebel nito. He patted the little girl on her head. “You should tell your Daddy Avril and Mommy Flip to fetch you as early as possible, hmm? It’s not safe for you to stay here alone.”
                              

                              
           The little girl smiled so brightly. Tila may kung anong kumirot sa puso niya nang Makita niya ang mga ngiti nito. Ganito rin kaya ang itusra ng babaeng minamahal niya noong bata pa ito? Kapag tinatawag niya ang pangalan nito, iba ang unang lumalabas sa isip niya. Ibang babae ang bigla na lang nagpapakita sa imahinasyon niya.
                              

                              
           Nanatili lang itong nakatitig sa kanya at nakangiti. “B-bakit?”
                              

                              
           Napaatras siya para analisahin kung anong gustong sabihin nito nang biglang mahagip ng mga mata niya ang nakasakbit sa leeg nito na ipinapakita nito sa kanya.
                              

                              
           “Sa… saan mo nakuha ‘yan?”